13 अप्रैल,1885 ते सिंध जे हिक ग़रीब ख़ानदान में जनमयो बालक ‘कंवरराम’ पंजिन सालन जी उमर खां ई ईश्वर भक्ति, भजन गाइण में लीन रहंदा हुआ। पाण गुज़ारे लाइ गली-गली में गीत गाइंदे उबईल चना विकणंदा हुआ। उहे संत सतनामदास जी जा शिष्य बणिजी भजन, गीत- संगीत में माहिर थी विया। उनन में अलौकिक शक्तियूं मौजूद हुयूं।
बीमार बारन खे गोद (झोली) में विहारे लोली डिअण सां बार भला चंगा थी पइंदा हुआ। इएं ई हिक माउ पंहिंजे मुअल बार खे खणी संत साहिब वट पहुंची ऐं लोली डिअण जी विनती कयाईं। लोली डिअण सां ई बार में साहु (प्राण) मोटी आया।
हिक वार संतन जे प्रोग्राम दौरान बादल गरजण लगा ऐं मींहुं वसिण लगा। माणुहुं उथण लगा त संत साहिब पंहिंजी साधना जे ज़ोर ते ‘सोरठ राग’ गाइण शुरू कयो। डिसंदे ई डिसंदे बादल ग़ायब थी विया। उनन में संत तुकाराम जी वांगुर गाइकी जे ज़ोर ते मींहुं रोकण ऐं वसाइण जी शक्ति मौजूद हुई।
संत साहिब छुआछूत में विश्वास न रखंदा हुआ। हिक वार हिक बीमार शख़्स (शूद्र) खे कहिं सलाह डिनी त जेकर उहो संत साहिब खे गले लगंदो त जल्दी ठीक थी वेंदो। उहो शख्स प्रोग्राम में हिक कुंड में चुपचाप विही रह्यो। जहिं महल प्रोग्राम ख़त्म थयो त उहो उते वेई रह्यो, पर संत साहिब अंतर्यामी हुआ। उनन खे पां वट सडाए गले लगायो। उहो शख्स हैरान थी संतन जे पैरन ते किरी पियो ऐं जल्द ई भलो-चंगा थी वियो। पिछड़ियल ऐं ग़रीब माणुहुन जी सेवा करणु, उनन सां गडु भोजन करणु ऐं माली मदद करणु — इहो ई संतन जो “समरसता ऐं स्व” जो संदेशु हो।
संत साहिब मतांतरण (धर्म परिवर्तन) जे सख़्त ख़िलाफ़ हुआ। उनन कई हिंदुन जी पंहिंजे धर्म में वापसी कराई, जहिं करे मुस्लिम पठान सख़्त नाराज़ थी विया ऐं संतन खे मारण जी धमकयूं डिअण लगा। पर पाण निडर थी पंहिंजो कमु कंदा रहिया। नतिजतन 1 नवंबर,1939 ते बिन पठानों ने गोली हणी संतन जी हत्या करे छडी। हिंदू धर्म जी रक्षा लाइ शिरोमणि संत कंवरराम पंहिंजो साहु कुर्बान करे अमर थी विया। 🙏🏼
लक्ष्मण लालवानी,लेखक
(सिंधी विभूतियां)
Rajkumr Tilwani
About the Author
