रायपुर , 28 फरवरी 2025 – डिजिटल जमाना मं “मीडिया सम्मान परिवार” के गठन एक नवा अउ खास फैसला मानय जा रहा हे। ये परिवार के सबसे बड़े खासियत ये हे कि एमा “संगठन” सब्द के इस्तेमाल नइ होही, बल्कि एक “परिवार” के रूप मं चलाय जाही।
अध्यक्ष नइ, पद नइ, सब्बो फैसला समिति ले होही
मीडिया सम्मान परिवार मं कोनो अध्यक्ष या अउ पद नइ होही। एखर जगा निर्णायक समिति बनाय जाही, जेमां सब्बो सदस्य शामिल रहिहीं। समिति के सदस्य मन के काम बंटाय जाही ताकि परिवार ला एक मजबूत अउ निष्पक्ष रूप दे सकं। साथ मं जांच समिति घलो बनाय जाही, जेखर जिम्मेदारी पारदर्शिता बनाय रखना होही।
डिजिटल वोटिंग से होही समिति के चयन
मीडिया सम्मान परिवार अपन समिति बनाय बर एक अनोखा तरीका अपनाय हे – डिजिटल वोटिंग। सब्बो सदस्य मन अपन मताधिकार के इस्तेमाल कर समिति के चयन करत हें। ये प्रक्रिया पूरी तरह निष्पक्ष अउ पारदर्शी होही।
सब्बो निर्णय मिलके होही
परिवार मं सब्बो काम अउ प्रस्ताव, निर्णायक समिति, जांच समिति अउ सब सदस्य के सहमति से पारित होही। ये तरीका पारदर्शी, संगठित अउ लोकतांत्रिक प्रणाली ला बढ़ावा देही, जेन ले मीडिया मं निष्पक्षता अउ विश्वास बना रहही।
मीडिया सम्मान परिवार के ये नवा तरीका मीडिया जगत मं एक क्रांतिकारी कदम मानय जा रहा हे, जऊन भविस मं डिजिटल लोकतंत्र के बढ़ावा देही।
About the Author
