*विभाजन विभीषिका**
*********************
💥
*देश लाइ जियणॊ ऐं मरणॊ आहे ,*
*देश लाइ जानि बि कुर्बान करिणी आहे ,*
*जात – पात जॊ सभु भेदु मिटाए ,*
*झंडे़ सां ई देश जॊ शानु आहे*
इतिहास जी ॼाण हुअण ज़रुरी आहे।जॾहिं 1947 ई़ में सिन्धी,विरिहाङे सबबि लॾपलाण करे भारत जी कुंड कुड़िछ में फहिलिजी विया,तड़हिं छिड़-विछिड़ थी,अलॻि अलॻि प्रांतनि में रहण लॻा।हिक हंधि रहण जो सौभाग्य खेनि नसीबु न थियो।
देश जे बंटवारे जॊ दर्दु असां कड॒हिं भुलाए नथा सघूं , नफरत , हिंसा , जात – पात ऐं सत्ता जे कारण असांजॊ अखंड भारत खंड़ित थी वियॊ , खौफ़ ऐं आतंक जे माहॊल में पंहिंजी जानि , इज्जत बचाइण लाइ लड॒पलाण शुरु थी ।
*मुल्क मथां आफत आई*़
*मुश्किल सां जानि बचाई*
**मजहब वेरी पाण में विढ़िया*
*सिंधुनि पंहिंजी सिंध विञाईं।*
ही विरहाङॊ त धर्म जे आधार ते थियलु विरिहाङॊ हॊ.देश में हमलावर थी आयल मुसलमाननि खे हिन्दुस्तान में ई धर्म जे आधार ते अलग॒ देशु खपंदॊ हॊ ऐं जिन्नहां भारत जॊ प्रधानमंत्री ठहिणु चाहे पियो.जड॒हिं उन जी ख़्वाइश पूरी न थी , त जिन्ना हिंदु मुस्लिन जे विच में निफाक जॊ बि॒जु पॊखिण लगॊ॒ ,
सॾियो मसइलो सत्ता जो हो।
” सत्याग्रह जे हथियार सां .
बापूअ अंग्रेजनि खे भॼा॒यॊ । ”
*रत जो रंगु त हिक जहिड़ो हो़*
*ज़ाति ऐं ज़मीन बि सागी॒ ई हुई़*
*सियासी चालबाज़नि जो*
*हिकु बेतुको फै़सिलो हो **
*विरिहाङो**
*खूनु अछो थी वियो*
*जाति- पात जे भेद करे* *
*देश जॊ विभाजनि थियो ,*
** *छा* *विरिहाङो टारे न पियो संघिजे**? हिउ सवाल नईं
टहीअ जे मन में ईंदो आ।
हालतुनि जे साम्हूं माण्हूं बेवस थी वेंदो आ।
अग्रेजनि जी कूट नीति आखिरि कमि आई , फूट डालो राॼु कयॊ , अहिड़े नमूने अंग्रेजनि चाल – बाजीअ सां *हिंदू ऐं मुस्लमान* जेके भाउरनि वांगुरु गडु॒ रहिंदा हुआ , उन्हनि में निफाक
ऐं नफ़रत जॊ बि॒जु पॊखियॊ ।
1947 में हिंदुस्तानु ऐं पाकिस्तानु
अलग॒॒ थिया , लखनि जी संख्या में
हिंदुस्तान जा मुसलमान ख़ास करे उत्तर प्रदेश ऐं बिहार मां पाकिस्तान विया , जिन खे मुहाजिर चयॊ वियॊ , जीअं भारत में पाकिस्तान मां हिंदुस्तान में ईंदड़ हिन्दुनि खे निरिवासित चयॊ वेंदॊ हॊ ।
देश जा ब॒ हिस्सा थिया ,
अधु बंगाल ,अधु पंजाब , वडी॒ बद्किस्मतीअ सां असां *सिंधीयुनि* जॊ पूरी जा पूरी सजी॒ ई *सिंधु प्रांत* पाकिस्तान ठहण लाइ डि॒नी वेई ,
वेगा॒णा सिंधी जिंदगीअ ऐं मौत जे विच में पंहिंजॊ वजूद गॊ॒ल्हे रहिया हुआ , हिंदुस्तान जी ज़मीन ते पेरु रखण खां पॊइ जेके कष्ट सिंधियुनि सठा ऐं सिंधी छिडु़ –विछुडु़ थी विया ,
*कविता जी कुझु लाइनियुनि में*
*सिंधियूनि केडा॒ न सुर सठा आहिन* ,*
*पर महिनत , इमान सां अजु॒ बि हटा – कटा आहिन ।*
*उहॊ कारॊ डीं॒हु सिंधियत जॊ हॊ ,*
*पाड़ बिना जा बु॒टा थी सिंधु मां पेर डठा आहिन ।*
*तहजीब बॊ॒ली ऐं धरमु बचाइण जे खातिर ,*
*पंहिंजी भूंइ छडे॒ , हिते अची लथा आहिन ।*
*जिते बि रहूं था उते , *नई सिंध* *ठही पवे थी ,**
*जहिं लाइ हिते सिंधियूनि गॊडा॒ गठा आहिन ।*
*इंदी औज सागी॒ , धर्मु – शर्मु ऐं हयाऊ ,*
*डा॒ठा सुहिणा सपना कया कठा आहिन ।*
*विरहांङे जा फट बणजी पया नासुरु ,*
*जफाकशियुनि खां पॊई बि पठा आहिनि ।*
नवां शहर,नयूं जॻहियूं, नवां माण्हूं,अटे लटे अझे जी तलाश में सिंधियुनि नंढा नंढा वापार शुरु कया।
उन जी बि हिक वडी॒ दास्तान आहे , सफर जी शुरुआत हिंदु जे अलग॒ – अलग॒ हिस्सनि में कैम्पनि खां थी , घणे भाङे सिंधी अजिमेर , मुम्बई , अहमदाबाद में वसण जी कॊशिश करे रहिया हुआ , उन वक्त़ हिंद जा माण्हूं सिंधियुनि सां धारियनि जहिड़ॊ वहिंवहार कंदा हुआ , छाकाण त सिंधी जिते अची रहिया हुआ ,उता जी लॊकल बॊ॒ली न गा॒ल्हे सघंदा हुआ न समझी सघंदा हुआ , हाणे सभ खां वडॊ॒ मसइलॊ रॊज़गार जॊ पैदा थियॊ , सिंधियुनि काफ़ी ज़फाकशियुनि करे , लॊकल बॊ॒लियूं सिखी वतियूं , महिनत ऐं पुरुषार्थ सां नंढा वडा॒ कम बिना कहिं शर्म जे रॊज़गार लाए कम कयनि , *सिंधी* सभु छडे॒ खाली हथ आया , हर तरह जी तकलिफुनि जॊ मुकाबिलो कयॊ , महिनत ऐं पुरुषार्थ में सिंधी पुठिते रहण वारा न हुआ ।
सिंधी पंहिंजूं ब॒नियूं , नौकरियूं , धंधा जायदाद , कारखाना , सॊनु -मीनु , पैसॊ – घर , गाडि॒यूं वग़ैरह उते ई छडे॒ आया , हर तरह जी तकलीफुनि खे मुंहुं डे॒ई पंहिंजा पेर खॊड़िया , नंढा वडा॒ ॿार ब॒च्चा ज़ालें मर्दे कम ते लगी विया ऐं पंहिंजॊ ग़ुजरानु करण लगा॒ , घर में खीचा , पापड़ -सिलाइ वगैरह करे ।पंहिंजॊ घर परिवार गुज़ारींदा रहिया ऐं बा॒र ट्रेनियूनि में गॊली ,बिस्कुट नंढी वडि॒यूं शयूं अपार तकिलिफूं सही पंहिंजॊ रॊज़गारू कायम कयॊ , सिंधियुनि जे महिनत रंग लातॊ , कुदरत कंहिंजी बि महिनत ऐं पुरुषार्थ ज़ाया न वञण डीं॒दी आहे , सिंधी हर तकलीफ जॊ सामनॊ करे अगि॒ते वधंदा रहिया , सिंधी कौम खे सरिकारि खां कुझु मदद मिलणु शुरु थी , सिंध में छडे॒ आयल ज़मीनूं – ज़ायदादुनि जे एवज़ खेनि किलेम ज़रिये कुझु सहारॊ मिलियॊ ।
“शरणार्थी जंहिंड़ा ताना अंदरि में सुईअ वांगु॒रु टूम्बजन्दा रहिया ,
सिंधियुनि सिंध घॊरी , पंहिंजी जीजल सिंधु जी धरतीअ खे छडे॒
छुड़- विछुड़ थिया.
*सिंधु दरिवेशनि जी धरती*
*शाह सचल सामी जो अस्थान*
*गूंजे कंवर जो कलाम*
सरदार पटेल ,सुभाष चंद्र बॊस जी *महिकमता* जी आज़ाद हिंद फौज़ ठाहिण ऐं नौजवाननि जॊ आज़ादीअ लाए जोश भगतसिंह ,राष्ट्र पिता महात्मा गांधी ऐं हेमूं कालाणी डॉक्टर चौइथराम गिडवानी जे महिनत जे कारण असीं आज़ादी माणे रहिया आहियूं ।
14 अगस्त जी तारीख लुड़िकनि सां लिखी वई , *विभाजन विभीषिका* स्मृति जॊ डीं॒हं सामाजिक विभाजन , आपसीं भाईचारॊ दूर थिये ऐं एकता मजबूत करिण जी जरुरत आहे ।
हर सिक्के जा ब॒ पहिलु हुंदा आहिन , असांजॊ मुल्कु असां खां जुदा थी वियॊ , असां जा भाउर असां खां विछुड़ी विया , पर शायद परमात्मा खे इयॊ ही मंजूरु .पाङ बिना जा बु॒टा थी करे बि असां अजु॒ बि तहजीब न विसिरिया आहियूं , पंहिंजी महिनत सां असीं हिंद में सिंध बणाइ आहे ।
*विरहाङे जा दर्द थी वया नासूर ,*
*शायद परमात्मा जॊ हॊ हीउ दस्तूर ,*
*छा बॊ॒लियूं कंहिंजॊ हॊ कस्सूर ,*
*न थियूं पंहिंजी सस्कृति खां दूर.*
असां मोहन जे दड़े जा वारिस आहियूं , असांजी सस्कृति प्राचीन ऐं संनातनि धर्म जा आहियूं , जंहिंजॊ असां खे फ़खुरू आहे ।
मुस्कान बच्चानी _✍️
बिलासपुर छत्तीसगढ़
मॊबाइल न. 7974870432
About the Author
